La streda de viers dl’autonomia

Le partí fascist sot a Benito Mussolini marcëia tla cité de Roma y surantol le podëi tl stat. Tla Talia ruva l fascism al pudëi. L somët la mendranzes linguistiches y sustën cun forza l’imigrazion. La mira ie chëla de talianisé defin la “provinzies nueves”.

La Talia fascista y la Germania nazista mët la populazion tudëscia y ladina dl Südtirol dan la dezijion: emigré ora tl Reich o resté tla Talia, ma zënza la scunanza dla mendranzes. Plu che l 85 % optea per se n jì ora. Danter l 1940 y l 1943 emigrea feter 70.000 persones.

I aleac ocupea pertes dla Talia. Do la druseda de Mussolini sotscrij ai 8 de setëmber dl 1943 n guviern nuef a Roma la capitulazion. La Wehrmacht tudëscia marcia ite tla Talia. La detlarea la provinzies de Bulsan, Trënt y Belun Zona d’operazion Alpenvorland.

La fin dla Segonda viera mundiela pieta la puscibiltà de n scumen­ciamënt democratich nuef. Ai 8 de mei dl 1945 apurvea i aleac la fundazion dla Südtiroler Volkspartei (SVP) y la recunësc sciche reprejentanza dla popu­lazion de rujeneda tudëscia y ladina dl Südtirol. 

La fin dla Segonda viera mundiela pieta la puscibiltà de n scumen­ciamënt democratich nuef. Ai 8 de mei dl 1945 apurvea i aleac la fundazion dla Südtiroler Volkspartei (SVP) y la recunësc sciche reprejentanza dla popu­lazion de rujeneda tudëscia y ladina dl Südtirol.

N prim Statut de Autonomia per la Region Trentin-Südtirol va n forza. I reprejentanc politics sudtirolesc ie melcuntënc ajache la cumpetënzes autonomes ie pra la Region (cun maiuranza taliana) y nia pra la Provinzia de Bulsan (cun maiuranza tudëscia). Oradechël ne vën la mendranza ladina nia nunzieda tl Statut.  

Deache la pert taliana de chësta regiun fej fora la maioranza, ne vëgnel nia tigní tan cunt de ci che la mendranza todëscia y chëra ladina s’aspeta. Elemënc sostanziai dl’acordanza Gruber-Degasperi n’ê aladô dla popolaziun dl Südtirol nia gnüs atuá. Süa malcontentëza gnô tres majera ince porvia dl’imigraziun interna de jënt a lauré cun sües families.

Tl 1957 devënta Silvius Magnago sëurastant dla SVP. Sustenì dal’ela plu dura dl partit chërdel adum la desmustrazion a Ciastel Sigmundskron per prutesté contra l atejamënt dl Stat talian ti cunfronc dla ghiranzes d’autonomia dl Südtirol. L vën adalerch 35.000 persones y pertënd n’autonomia per l Südtirol.

35.000 persones vën adum pra na des­mus­trazion tal Ciastel de Sigmundskron. La ie unida urganiseda dala SVP sun prescion dl cunselier Hans Dietl. I des­mus­tranc se damanda n’autonomia per la Provinzia de Bulsan y ti tira dant a Roma de sustenì inant la imigrazion tl Südtirol de persones da d’autra regions dla Talia.  

L Minister per l Ester nuef dl’Austria, Bruno Kreisky, ie bon de purté l problem de Südtirol dan la ONU. Chësta ti cumët ala Talia y al’Austria de cialé de ressolver l problem deberieda. La prima negoziazions dà puecia speranzes che n ruve a n suzes.

L guviern talian mët su la nsci tlameda cumiscion di 19 (11 talians, 7 tudësc, 1 ladin). Chësta prejentea do trëi ani n prim sboz per n Statut d’Autonomia nuef. L’autonomia dëssa n gran pert passé ala doi Provinzies de Bulsan y de Trënt.

L prim mumënt de colm de na lingia d’atentac che à scumencià tl 1956.  I auturs é le grupamënt separatistich dl BAS (“Befreiungsausschuss Südtirol” – “Comité de liberaziun Südtirol”). La “Nöt di füc” tira l’atenziun publica taliana y europeica sön le Südtirol.

Do tratatives sfadiëuses vën la Talia, l’Austria y na pitla grupa ntëur Silvius Magnago a una sun n “Pachet” de mesures che dëssa unì atuedes aldò de n calënder d’azion. La SVP apurvea chësc “Pachet” cun na maiuranza scialdi pitla.
 

L guviern talian deraieia l’ultima despusizions sun l “Pachet”. La Talia y l’Austria ti fej al savëi ala ONU che l strit lonch a livel internazinel per l Südtirol ie finà. La tratatives danter Südtirol y Roma per “n’autonomia dinamica” va inant.