Netiquette

Chësta plata web tematisëia l’autonomia dl Südtirol y la convivënza dla popolaziun tla provinzia. L’Aziënda Museums provinziai ó promöie l’incuntada y le barat, y tëgn dër sön le fat che chësc vëgnes adaldé cun stima y respet. Porchël publicunse ci che vëgn scrit impormó do che nosta redaziun ti á ciaré ai tesć por ci che reverda contignüs descriminënc y dejonorënc. Canche i scriëis comentars y articui Ves periunse bel da Ves tigní ales regoles de manira y coretëza.

Chisc é i criters che i aplicun denanche mëte online n comentar o n articul:

Scriede cun respet y cherianza
Comportesse te üsc articui cun respet y cordialité insciö sciöche Os instësc/instësses oresses gní tratá/tratades. I ne publicun nia articui cun espresciuns de descriminaziun sessuala, razistes, estremistes, che deprijëia la dignité dla porsona, esaltëia la violënza, o iudichëia mal o ofënn grups linguistics o d’atri grups.

Fajede comentars en referimënt ala tematica
I articui o i comentars dess se referí te na manira tlera al tema dl’autonomia dl Südtirol o al’autonomia.  

Respetede la privacy
I ne publicun degügn comentars che contëgn dac referis a porsones, dantadöt sce ara se trata de dac de d’atres porsones.

Tignide sön Osta minunga
L’Aziënda Museums provinziai inviëia les anuzadësses y i anuzadus da adoré so inom por intier, mo azetëia sambëgn sce al nen vëgn ma tut un di dui (p.ej. ma l’inom, ma le cognom o l’inom cun l’iniziala dl cognom). Por prinzip ne vëgnel nia conzedü da adoré pseudonims.